Itu ria kieha nirigumiire itura ria Kitengela kaunti ya Kajiado, thutha wa muiritu umwe wa miaka 27 kuihingira nyumba na kuuraga mwana wake eciariire na njira ya kumuthechanga na kahiu maita o makinya igana rimwe.
Muiritu uyu uria ukurikanite ta Olivia Naseren, aroneka video-ini iria itambite nenda-ini cia ukinyaniria ehingiire nyumba atari nguo akiina, na thutha ucio gucoka kunyita mwana wake uria uraiguika akirira na kumuthechanga tuhiu tukirite igana rimwe kinya agakua.
Aikari aria maronire muiritu uyu akigera ngero ino nimarageriire gutua mirango igeria-ini ria kuhonokia muoyo wa mwana uyu no matinakoruo mahota gukinyira Olivia na uguo aratabania ngero ino mamuiroire. Kurerikana ati muiritu uyu arari na maruru ma gutigana na muthuriwe, ithe wa mwana uyu.
Kurumirira ngero iyo Olivia niakitio ngono ni maafitha a DCI na niakinyitio igoti-ini na mahitia ma urugani.
Olivia uria uracokire araria ciiga cia mwiri cia mwana uyu riu ekuhingiruo thiku 10 uthuthuria ugithii nambere.