Munini wa President Rigathi wa Gachagua umuthi niambikite kigomano na anene a honge cia wathani na ugitiri, gucirira thina uria oigite ukoretuo ugumiire gicigo kia Gatagati wa bururi wa unyuui wa njohi njikirire mikana.
Kigomano giki Kiria gitabanitio kaunti-ini ya Nyeri na gikarehe hamwe anyiti itemi ngurani hamwe nao atongoria a giuteti a gikiro kia mangavana kuuma Kiambu, Murang’a, Nyeri, Kirinyaga na Nyandarua, nikiruguritie mitaratara mirumu ya kuhurana njiohi cia ibango makiuga nicio ikoretuo ikiananga mbeu njithi gicigo-ini giki gia gatagati wa bururi.
Akiaria giikaro-ini giki munini wa President Rigathi Gachagua niarutite mukana muhiu kuri anene a wathani na maafitha a borithi, aria makoretuo makiria mahiki kugitira endia na athondeki a njohi ici njikirire mukana akiuga nimegukinyukiruo makinya mahiu ma kiwatho.
“Anene thirkari-ini aria makoretuo makigitira endia na athondeki a njohi cia ibango nitukumatacukiria makinya mahiu ma kiwatho. Tutiguitikira mahotomie mihang’o ya thirikari ya kuhurana na njohi ici” Gachagua nianirire hindi ya kigomano giki.
Ningi niogite ati matikuhuruka kinya matigirire nimahotana na mbara ino ya njohi cia ibango. “Tutikuhuruka turi ta thirikari kinya tutigirire nituahotana mbara ino (ya njohi cia ibango) niguo tuhonokie mbeu njithi, tuhonokie micii na tuthaitire ruriri ruitu rutikahuke” Munini wa President niongereire.
Hamwe na aria meguikinyitie Kigomano-ini giki ni Ngavana wa Kirinayaga Anne Waiguru, Ngavana wa Nyeri Mutahi Kahiga, Minista wa Ugitiri Kithure Kindiki, Mubunge Ndindi Nyoro hamwe na angi.
Mbara ino irambikuo o riri thirikari ya Ruto na Gachagua iteithiriirie kuriukia makiria ma iganda 20 cia uthondeki wa njohi mithemba ya spirits iria ciahingituo hindi ya wathani wa President Uhuru Kenyatta. Riu maitho mothe maramurika mbara ino uria igutuarithio na mbere kinya ihotanuo, igithingatiruo ati riu iganda ici nicicokereire wira na uguo njohi ino ithiite nambere o kuingiha matura-ini maitu.
